nia naam

Read More

be sabab na phira karo

Read More

sab qareeny

Read More

hr ik lafz

Read More

Dil se roy

Read More

labon ke yaad aai

Read More

rafta rafta

Read More

INSHA JI UTHO, AB KOOCH KARO, IS SHAHR MAIN JI KA LAGANA KYA …

Insha Ji Utho, Ab Kooch Karo, Iss Shahr Mai Ji Ka Lagana Kya
Wahshi Ko Sukoo’N Say Kya Matlab, Jogi Ka Nagar MaiN Thikana Kya

Iss Dil K Dareeda Daaman Ko, Dekho To Sahi, Socho To Sahi
Jiss Jholi Mai Sau Chaid Huay, Uss Jholi Ka Phailana Kya

Shab Beeti Chaand Bhi Doob Chala, Zanjeer Pari Darvazay Mai
KyuN Dair Gaaye Ghar Aaye Ho, Sajni Say Karo Gay Bahana Kya

Phir Hijar Ki Lambi Raat Miaan, Sanjog Ki To Hai Aik Ghari
Jo Dil Mai Hai Lab Par Aanay Do, Sharmana Kya Ghabrana Kya

Uss Roz Jo Unko Dekha Hai, Abb Khuwaab Ka Aalam Lagta Hai
Uss Roz Jo Unn Say Baat Huee, Wo Baat Bhi Thi Afsana Kya

Iss Husan K Suchchay Moti Ko, Hum Dekh Sakain Par Chhoo Na SakaiN
Jise Dekh Sakain Par Chu Na Sakain, Wo Daulat Kya Wo Khazana Kya

Usko Bhi Jala Dukhtay Huay Mun, Ik Shola Aag Bhabhuka Bann
Younh Aansu Mai Behh Jana Kya, Younh Maati Mai Mil Jana Kya

Jab Shahr K Log Na Rasta DaiN,  KyuN Bann Mai Na Ja Basraam Kare
Deewano’n Ki See Na Baat Karay, To Aur Karay Dewana Kya

Read More

DIL ISHQ MAIN BEPAAYAAN, SAUDA HO TO AISA HO …

Dil ishq meiN bepaayaaN, sauda ho to aisa ho
Darya ho to aisa ho, sehra ho to aisa ho

Ham se nahiN rishta bhi, ham se nahiN milta bhi
Hai paas wo baiTha bhi, dhoaka ho to aisa ho

Wo bhi raha baygaana, ham ne bhi na pehchaana
HaaN ai dil-e-deewaana, apna ho to aisa ho

Ham ne yahi maaNga tha, us ne yahi baKhshaa hai
Banda ho to aisa ho, daata ho to aisa ho

Is daur meN kya kya hai, ruswaayi bhi lazzat bhi
KaaNTa ho to aisa ho, chubhta ho to aisa ho

Ai Qais junooN paisha, Insha ko kabhi dekha?
Wahshi ho to aisa ho, ruswa ho to aisa ho

Read More

KAL CHAUDHAVIIN KI RAAT THII SHAB BHAR RAHAA CHARCHAA TERA …

Kal chaudhaviiN ki raat thi shab bhar raha charchaa teraa
Kuchh ne kaha yeh chaaNd hai kuchh ne kaha chehraa teraa

Ham bhi vahiN maujud the, ham se bhi sab puuchhaa kiye
Ham haNs diye, ham chup rahe, manzur tha pardaa teraa

Is shahr meN kis se mileN ham se to chhuTiN mahafileN
Har shaKhs teraa naam le, har shaKhs diivaanaa teraa

Kuuche ko tere chhoR kar,  jogii hii ban jaayeN magar
Jangal tere, parbat tere, bastii terii, sehraa teraa

Ham aur rasm E bandagi, aashuftagii, uftaadagii
Ehasaan hai kya kya teraa ae husn E beparvaa teraa

Do ashk jaane kis liye palkoN pe aa kar Tik gaye
Altaaf kii baarish terii, ikraam kaa dariyaa teraa

Ae bedaareGh O be_amaaN ham ne kabhi ki hai fuGhaaN
Ham ko terii vahshat sahi ham ko sahii saudaa teraa

Tu ba-vafaa tu mahrabaaN, ham aur tujh se bad-gumaaN?
Ham ne to puuchhaa tha zaraa ye vasf kyuN Thahraa teraa

Ham par ye saKhtii ki nazar, ham haiN faqiir E rah_guzar
Rastaa kabhii rokaa teraa, daaman kabhii thaamaa teraa?

HaaN haaN terii suurat hasiiN, lekin tuu aisaa bhii nahiiN
Is shaKhs ke ash’aar se shohraa huaa kyaa kyaa teraa

Beshak usii kaa dosh hai, kahataa nahiiN Khaamosh hai
Tu aaQ kar aisii davaa, biimaar ho achchhaa teraa

Bedard sun_nii ho to chal, kahtaa hai kyaa achchhii Ghazal
Aashiq teraa, rusvaa teraa, shaayar teraa ‘Insha’ teraa

Read More

DEKH HAMAARAY MAATHAY PE YEH DASHT-E-TALAB KI DHOOL MIYAAN …

Daikh hamaray mathay pe yeh dasht-e-talab ki dhool miyaan
Hum se ajab tera dard ka nata,daikh hmain mut bhool miyaan

Ahl-e-wafa se baat na karna ho ga tera usool miyaan
Hum kioun phairain in galyoon k phairoN ka ma’mool miyaan

Yunhi to nahi dasht main pohnchay,yunhi to nahi jog liya
Basti basti kantay daikhay jangal jangal phool miyaan

Yeh to kaho kabhi ishq kia ha?jag main hoye ho ruswa bhi
Is k siwa hum kuch na puuchain baqi baat fazool miyaan

Nasb karain mehraab-e-tamanna,deeda-o-dil ko farsh karain
Suntay hain wo kooe-wafa main aaj karain gay nazool miyaan

Sun to liya kisi naar ki khatir kata koh, nikali nehr
Ik zara say Qissay ko ab daitay ho kioun tool miyaan

Khailnay day inhain ishq ki baazi,khailain gay to seekhain gay
Qais ki ya Farhad ki khatir kholain kiya iskool miyaan?

Ab to hamain manzoor hai yeh bhi,shehr se niklain,ruswa hoN
Tujh ko daikha, baatain kar leen,mehnat hoi wasool miyaan

Insha jee kiya uzr hai tm ko, naqd-e-dil-o-jaan nazr karo
Roop nagar kay nakay per yeh lagta hai mehsool miyaan!!

Read More

APNE HAMRAAH JO AATE HO IDHAR SE PAHLE …

Apne  hamraah jo aate ho  idhar se pahle
Dasht paRta hai miyaN ishq meiN ghar se pahle

Chal diye uThke su-e-shahar-e-wafa, ku-e-habib
Puchh lena tha kisi khaak basar se pahle

Ishq pahle bhi kiya hijr ka Gham bhi dekha
Itne taRrpe hain na ghabraye na tarse pahle

Ji bahalta hi nahin ab koi saa’at, koi pal
Rat Dhalti hi nahin chaar pahar se pahle

Ham kisi dar pe na thithke na kahiN dastak di
Saikaron dar the meri jaN tere dar se pahle

Chand se aankh mili, ji ka ujala jaga
Ham ko sou bar hui subh, sahar se pahle

Read More

SUNTE HAIN PHIR CHHUP CHHUP UNKE GHAR MEN AATE JAATE HO …

Sunte haiN phir chhup chhup unke ghar meN aate jaate ho
Insha saahab naahaq jii ko vahshat meN uljhaate ho

Dil kii baat chhupaanii mushkil,lekin Khuub chhupaate ho
Ban meN daanaa, shahr ke andar diivaane kahlaate ho

Bekal bekal rahte ho, par mehfil ke aadaab ke saath
AaNkh churaa kar dekhte ho, phir bhole bhii ban jaate ho

Peet meN aise laakh jatan haiN, lekin ek din sab nakaam
Aap jahaaN meN rusvaa hoge, vaa’z hameN farmaate ho

Ham se naam junuuN kaa qaayam, ham se dasht kii aabaadii
ham se dard ka shikvaa karte, ham ko zakhm dikhaate ho?

Read More

RAAT KE KHAAB SUNAAYEN KIS KO …

Raat ke Khaab sunaayeN kis ko raat ke Khaab suhaane the
DhuNdhle dhuNdhle chehre the par sab jaane pahchaane the

Ziddii vahshii alhaR chanchal miiThe log rasiile log
HoNT un ke GhazaloN ke misr’e aaNkhoN meN afsaane the

Ye laRkii to in galiyoN meN roz hii ghuumaa kartii thii
Is se un ko milnaa thaa to is ke laakh bahaane the

Ham ko saarii raat jagaayaa jalte bujhte taaroN ne
Ham kyuuN un ke dar pe utre kitne aur Thikaane the

Vahshat kii unvaan hamaarii in meN se jo naar banii
DekheNge to log kaheNge ‘Insha’ ji diiivaane the

Read More

JAB DAHR KE GHAM SE AMAAN NA MILI …

Jab dahr ke gham se  amaaN na milii,  hum logoN ne ishQ eejaad kiya

Kabhi shahr E butaaN me kharaab phire kabhi dasht E junuN aabaad kiya

Kabhi bastiyaaN ban, kabhi koh O daman, raha kitne dinoN yahi ji ka chalan

JahaaN husn mila wahaaN baith rahe, jahaaN pyar mila wahaN saad kiya

Shab E maah me jab bhi yeh dard uTha, kabhi bait kahe (likhi ‘Chand Nagar’)

Kabhi koh se jaa sar phoR mare,  kabhi kabhi Qais ko jaa ustaad kiya

Yahi ishQ  bil-aakhir rog banaa, K hai chaah k saath bijog banaa

Jise ban_na tha aish woh sog banaa, baRa man ke nagar me fasaad kiya

Ab qurbat O sohbat E yaar kahaaN, lab O aariz O zulf O kinaar kahaN

Ab apna bhi  ‘Meer’  sa aalam hai,  Tuk dekh liya,  ji shaad kiya

*Chand Nagar – Insha Ji ka majmaua E kalam

Read More

DEKH HAMARI DEED KE KAARAN …

Dekh hamari deed ke karan kaisa Qaabil E deed hua

Ek sitaara baiThe baiThe taabish meN khursheed hua

Aaj to jaani, rastaa takte, shaam ka chaNd padeed hua

Tu ne to inkaar kiya tha, dil kab naa-ummeed hua??

Aan ke is beemaar ko dekhe!! tujh ko bhi taufeeQ hui?

Lab pe us ke naam tha tera, jab bhi dard shadeed hua

HaaN us ne jhalak dikhlayi, ek hi pal ko dreeche meN

Jaano  ek bijli lahraayi,  aalam ek shaheed hua

Tu ne hum se kalaam bhi chhoRa, arz E wafaa k sunte hi

Pahle kaun Qareeb tha hum se, ab to aur ba’eed hua

Duniya ke sab karaj chhoRe, naam pe tere ‘Insha’ ne

Aur use kya thoRe Gham the? tera ishq mazeed hua

Read More

DIL HIJR KE DARD SE BOJHAL HAI

 Dil hijr ke dard se bojhal hai, ab aaan milo to behtar ho

Is baat se humko Kya matlab, yeh kaise ho yeh kyuN kar ho

Ik bheek ke donoN kaasay hain, ik pyaas ke donoN pyase hain

Hum khaitee hain, tum badal ho,hum nadiya hain,tum saagar ho

Hum saNjh samay ki chhaya hain, tum chaRhti raat ke chandarmaaN

Hum aate hain, tum jate ho, phir mel ki soorat kyuN kar ho

Ab husn ka rutbaa aali hai, ab husn se sehra khali hai

Chal basti meiN banjara ban, chal nagri me saudaagar ho

Jis cheez se tujhko nisbat hai,jis cheez se tujh ko chahat hai

Wo sona hai,wo heera hai, wo maati ho ya kunkar ho

Wo raatein chand ke saath gain, wo baatein chand ke sath gain

Us sukh k sapne dekheiN kyun, jab dukh ka sooraj sar par ho

Ab ‘Insha Ji’ ko bulana kya, ab pyaar ke deep jalana kya??

Jab dhoop aur chhaaya aik se hoN, jab din or raat barabar ho!!

(By: Insha Ji)

Read More

DIL HIJR KE DARD SE BOJHAL HAI

 Dil hijr ke dard se bojhal hai, ab aaan milo to behtar ho

Is baat se humko Kya matlab, yeh kaise ho yeh kyuN kar ho

Ik bheek ke donoN kaasay hain, ik pyaas ke donoN pyase hain

Hum khaitee hain, tum badal ho,hum nadiya hain,tum saagar ho

Hum saNjh samay ki chhaya hain, tum chaRhti raat ke chandarmaaN

Hum aate hain, tum jate ho, phir mel ki soorat kyuN kar ho

Ab husn ka rutbaa aali hai, ab husn se sehra khali hai

Chal basti meiN banjara ban, chal nagri me saudaagar ho

Jis cheez se tujhko nisbat hai,jis cheez se tujh ko chahat hai

Wo sona hai,wo heera hai, wo maati ho ya kunkar ho

Wo raatein chand ke saath gain, wo baatein chand ke sath gain

Us sukh k sapne dekheiN kyun, jab dukh ka sooraj sar par ho

Ab ‘Insha Ji’ ko bulana kya, ab pyaar ke deep jalana kya??

Jab dhoop aur chhaaya aik se hoN, jab din or raat barabar ho!!

(By: Insha Ji)

Read More